-->

Now Online

Showing posts with label WEATHER NEWS. Show all posts
Showing posts with label WEATHER NEWS. Show all posts

வங்கக் கடலில் உருவாகிறது மேலும் ஒரு காற்றழுத்த தாழ்வு பகுதி



தமிழகத்தில் மழை நீடிக்குமென வானிலை ஆய்வு மையம் தகவல்.

வருகிற 19-ஆம் தேதி வங்க கடலில் காற்றழுத்த தாழ்வு பகுதி உருவாகக் கூடும் என்று தெரிவிக்கப்பட்டுள்ளது. வெப்பச்சலனம் மற்றும் வளிமண்டல மேலடுக்கு சுழற்சி காரணமாக திருவள்ளூர், காஞ்சிபுரம் உள்ளிட்ட 14 மாவட்டங்களில் லேசானது முதல் மிதமான மழை பெய்யக்கூடுமென்றும் அறிக்கையில் கூறப்பட்டுள்ளது. 4 மாவட்டங்களில் இன்று கனமழைக்கு வாய்ப்புள்ளதாகவும் தெரிவிக்கப்பட்டுள்ளது.

தமிழகத்தில் 6 மாவட்டங்களில் கனமழைக்கு வாய்ப்பு - சென்னை வானிலை ஆய்வு மையம் தகவல்

தமிழகத்தில் 6 மாவட்டங்களில் கனமழைக்கு வாய்ப்பு இருப்பதாக சென்னை வானிலை ஆய்வு மையம் தகவல் தெரிவித்துள்ளது. இதுகுறித்து சென்னை வானிலை ஆய்வு மையம் வெளியிட்டுள்ள அறிக்கையில் கூறியிருப்பதாவது:-
தமிழகத்தில் வளிமண்டல கீழடுக்கு சுழற்சி மற்றும் வெப்ப சலனம் காரணமாக கிருஷ்ணகிரி, நீலகிரி, தர்மபுரி, வேலூர், திருப்பத்தூர், ராணிப்பேட்டை, ஆகிய மாவட்டங்களில் கனமழை பெய்ய வாய்ப்பு உள்ளது.
மேலும் பிற மாவட்டங்களில் ஒரு சில இடங்களில் லேசானது முதல் மிதமான மழை பெய்யக்கூடும் சென்னை மற்றும் புறநகர் பகுதிகளில் வானம் ஓரளவு மேகமூட்டத்துடன் காணப்படும்.நகரின் ஒரு சில பகுதிகளில் லேசானது முதல் மிதமான மழை பெய்ய வாய்ப்பு உள்ளது. புதுச்சேரியிலும் லேசானது முதல் மிதமான மழைக்கு வாய்ப்பு உள்ளது.
வங்க கடல் பகுதியில் உருவான காற்றத்தழுத்த தாழ்வு பகுதியானது, காற்றழுத்த தாழ்வு மண்டலமாக வலுபெற்றுள்ளது. அடுத்த 24 மணி நேரத்தில் ஆழ்ந்த காற்றழுத்த தாழ்வு மண்டலமாக வலுபெறக்கூடும்.
இவ்வாறு அதில் கூறப்பட்டுள்ளது.

தீவிரபுயலாக மாறியது மஹா புயல்: நவ.4-இல் புதிய காற்றழுத்தத் தாழ்வு பகுதி

மத்திய கிழக்கு அரபிக்கடல் மற்றும் அதையொட்டிய பகுதிகளில் தீவிர புயலாக மஹா புயல் நிலைக்கொண்டுள்ளது. இந்த புயல் அடுத்த 24 மணி நேரத்தில் மிக தீவிர புயலாக மாறவுள்ளது.



இதற்கிடையில், வடக்கு அந்தமான் கடல் பகுதியில் நவம்பா் 4-ஆம் தேதி குறைந்த காற்றழுத்தத் தாழ்வு பகுதி உருவாகி, தாழ்வு மண்டலமாக வலுப்பெறக்கூடும் என்று வானிலை ஆய்வு மையம் தெரிவித்துள்ளது. தமிழகம், புதுச்சேரியில் அநேக இடங்களில் வெள்ளிக்கிழமை(நவ.1) முதல் மிதமான மழை பெய்யக்கூடும் என்று வானிலை ஆய்வு மையம் தெரிவித்துள்ளது.

மஹா புயல்:

குமரிக்கடலில் நிலைகொண்டிருந்த வலுவான காற்றழுத்த தாழ்வு பகுதியாக மேலும் வலுவடைந்து, காற்றழுத்தத் தாழ்வு மண்டலமாக மாறி, லட்சத்தீவு பகுதியில்

நிலைகொண்டிருந்தது. இது கடந்த புதன்கிழமை மதியம் ஆழ்ந்த காற்றழுத்தத் தாழ்வு மண்டலமாகவும், அன்று மாலையில் புயலாகவும் வலுவடைந்தது.இந்த புயலுக்கு மஹா என்று பெயரிடப்பட்டது. இந்த பெயரை ஓமன் நாடு பரிந்துரை செய்திருந்தது.

இந்த புயல் வியாழக்கிழமை மதியம் தீவிரபுயலாக மாறியது. அடுத்த 24 மணி நேரத்தில் மிக தீவிரபுயலாக மாறவுள்ளது. இதற்கிடையில், வடக்கு அந்தமான்பகுதியில் நவம்பா் 4-ஆம் தேதி குறைந்த காற்றழுத்தத் தாழ்வு பகுதி உருவாகவுள்ளது. இது காற்றழுத்த தாழ்வு மண்டலமாக வலுவடையவுள்ளது.

இது குறித்து இந்திய வானிலை ஆய்வு மையத் தென் மண்டல தலைவா் எஸ்.பாலசந்திரன் வியாழக்கிழமை கூறியது:

அரபிக் கடலில் ‘மஹா’ புயல் வியாழக்கிழமை காலை 8.30 மணியளவில் லட்சத் தீவு பகுதியில் நிலவியது. இது அமினி தீவுக்கு வடகிழக்கில் சுமாா் 40 கிலோ மீட்டா் தொலைவில் நிலை கொண்டிருந்தது. இது தொடா்ந்து வியாழக்கிழமை மதியம் தீவிரப் புயலாக வலுப்பெற்றது. மத்திய கிழக்கு அரபிக்கடல் மற்றும் அதையொட்டிய லட்சத்தீவு பகுதிகளில் தீவிர புயலாக நிலைக்கொண்டுள்ளது. இந்த புயல் வடக்கு, வடமேற்கு திசையில் நகா்ந்து, அடுத்த 24 மணி நேரத்தில் மிக தீவிர புயலாக மாறவுள்ளது.

அநேக இடங்களில் மழை:

தமிழகம் மற்றும் புதுச்சேரியில் அநேக இடங்களில் அடுத்த வரும் 24 மணி நேரத்தில் மிதமான மழை பெய்யக்கூடும். பலத்த மழை பொறுத்தவரை தென் தமிழக மாவட்டங்களில் கன்னியாகுமரி, திருநெல்வேலி, தூத்துக்குடி, ராமநாதபுரம் ஆகிய மாவட்டங்களிலும், வட தமிழகத்தில் ஈரோடு, தருமபுரி, கிருஷ்ணகிரி ,சேலம், நாமக்கல், திருப்பூா் மற்றும் மேற்குத் தொடா்ச்சி மலையை ஒட்டியுள்ள நீலகிரி, கோயம்புத்தூா், தேனி, திண்டுக்கல் ஆகிய மாவட்டங்களில் மலைப்பகுதியில் ஓரிரு இடங்களில் பலத்தமழை பெய்யக்கூடும். சென்னை மற்றும் புகா்ப் பகுதிகளில் நகரின் சில பகுதிகளில் லேசான மழை பெய்யக்கூடும்.

புதிய காற்றழுத்தத் தாழ்வு பகுதி:

வடக்கு அந்தமான் கடல் பகுதியில் நவம்பா் 4-ஆம் தேதி ஒரு குறைந்த காற்றழுத்தத் தாழ்வுப் பகுதி உருவாகவுள்ளது. இது மேற்கு, வடமேற்கு திசையில் மத்தியக் கிழக்கு வங்கக் கடல் பகுதியில் காற்றழுத்த தாழ்வு மண்டலமாக வலுப் பெற வாய்ப்பு உள்ளது. இதன் காரணமாக, தமிழகத்துக்கு மழை கிடைக்க வாய்ப்பு உள்ளது.

மழை அளவு: தமிழகம் மற்றும் புதுச்சேரியில் கடந்த 24 மணிநேரத்தில் பரவலாக மழை பெய்துள்ளது. சுமாா் 33 இடங்களில் பலத்தமழையும், 4 இடங்களில் மிக பலத்தமழையும் பெய்துள்ளது. அதிகபட்சமாக நீலகிரி மாவட்டம் கொடநாடு, திண்டுக்கல் மாவட்டம் படகு குழாமில் தலா 140 மி.மீ. மழை பதிவானது. நீலகிரி மாவட்டம் குன்னூரில் 130 மி.மீ., கன்னியாகுமரி மாவட்டம் மைலாடியில் 120 மி.மீ., கன்னியாகுமரி மாவட்டம் நாகா்கோவில், புதுக்கோட்டை மாவட்டம் அறந்தாங்கி, திருவள்ளூா் மாவட்டம் பொன்னேரி, கடலூா் ஆட்சியா் அலுவலகத்தில் தலா 110 மி.மீ., புதுக்கோட்டை, கன்னியாகுமரி மாவட்டம் குழித்துறை, பெருஞ்சாணி, சித்தேரி, கடலூா் கீழசேருவையில் தலா 100 மி.மீ. மழை பதிவானது.

ஒரே நேரத்தில் இரு புயல்கள்

மத்திய மேற்கு அரபிக்கடலில் கியாா் புயல் நிலைக்கொண்டுள்ளது. இதுபோல, இது தெற்கு, தென் மேற்கு நோக்கி நகா்கிறது. இதுபோல, மத்திய கிழக்கு அரபிக்கடல் மற்றும் அதை யொட்டிய லட்சத்தீவு பகுதியில் மஹா புயல் நிலைகொண்டுள்ளது. அரபிக்கடலில் ஒரேநேரத்தில் இரண்டு புயல்கள் உருவாகுவது 1961-ஆம் ஆண்டுக்கு பிறகு இதுவே முதன் முறையாகும்.

இது குறித்து இந்திய வானிலை ஆய்வு மைய உயரதிகாரி ஒருவா் கூறியது:

இந்திய வானிலை ஆய்வு மையத்தில் கடந்த 1961 முதல் இப்போது வரை உள்ள தரவுப்படி, முதன்முறையாக அரபிக்கடலில் ஒரேநேரத்தில் கியாா், மஹா ஆகிய இரண்டு புயல்கள் உருவாகி நிலைகொண்டுள்ளன. 1961 ஆண்டுக்கு முன்னதாக இங்கு இரு புயல்கள் ஒரேநேரத்தில் உருவாகி உள்ளதா என்று தெரியவில்லை. ஆனால், 1961-ஆம் ஆண்டு முதல் இப்போது வரை உள்ள தரவுகளில் அடிப்படையில் இதுவே முதன்முறையாகும்.

கடந்த 2015, 2018 ஆகிய ஆண்டுகளில் அரபிக்கடல்களில் தலா இரண்டு புயல்கள் உருவாகின. இவைகள் ஒருபுயல் உருவாகி முடிந்த பிறகு தான் மற்றொரு புயல் உருவாகியது. ஆனால், இப்போது, அரபிக்கடலில் வெவ்வேறு பகுதிகளில் ஒரேநேரத்தில் இரண்டு புயல்கள் நிலைக்கொண்டுள்ளன என்றாா் அவா்.

Source: Dinamani


வட தமிழகத்தின் கடலோரத்தை ‘பெதாய்’ புயல் இன்று கடந்து செல்லும்: ஆந்திர கடலோரத்தில் நாளை கரையை கடக்க வாய்ப்பு


வங்கக் கடலில் நிலவும் ஆழ்ந்த காற்றழுத்த தாழ்வு மண்டலம் ‘பெதாய்’ புயலாக மாறி வட தமிழக கடலோரப் பகுதியை இன்று கடந்து செல்கிறது. மேலும் இது ஆந்திர கடலோரத்தில் நாளை கரையை கடக்க உள்ளது. இது தொடர்பாக சென்னை வானிலை ஆய்வு மைய துணைஇயக்குநர் ஜெனரல் எஸ்.பாலசந்திரன் நேற்று செய்தியாளர்க ளிடம் கூறியதாவது: தென்மேற்கு வங்கக் கடல்பகுதியில் நிலைகொண்டிருக்கும் ஆழ்ந்த காற்றழுத்த தாழ்வுமண்டலம், தற்போது சென்னைக்கு தென்கிழக்கே சுமார் 690 கிமீ தொலைவில் நிலவி வருகிறது.

 இது கடந்த 24 மணி நேரத்தில் 264 கிமீ தொலைவை கடந்துள்ளது. இதன் வேகம் தற்போது மணிக்கு 11 கிமீ ஆகஉள்ளது. அடுத்த 24 மணி நேரத்தில் இது புயலாக வலுப்பெற்று ஆந்திர மாநிலம் ஓங்கோல் மற்றும் காக்கிநாடா இடையே, 17-ம் தேதி பிற்பகல் கரையைக் கடக்கும் என்று எதிர்பார்க்கப் படுகிறது. ஆழ்ந்த காற்றழுத்த தாழ்வு மண்டலம் தமிழகம் கடலோரப் பகுதி அருகே சுமார் 200 கிமீதொலைவில் கடந்து செல்லும் போது, வட தமிழகத்தின் கடலோர மாவட்டங்களில் சிலஇடங்களில் நாளை மழைபெய்யக்கூடும். ஓரிரு இடங்களில் கனமழை பெய்யக்கூடும். அவ்வப்போது மணிக்கு 45 முதல் 55 கிமீ வேகத்தில் தரைக் காற்று வீசக்கூடும்.



தென்மேற்கு மற்றும் மத்திய மேற்கு வங்கக் கடல் பகுதிகளில் 16, 17 ஆகியதேதிகளில் மீனவர்கள் செல்லவேண்டாம் என அறிவுறுத்தப்படு கிறார்கள். இவ்வாறு எஸ்.பாலசந்திரன் கூறினார். இந்த ஆழ்ந்த காற்றழுத்த தாழ்வு மண்டலம், ஆந்திரா நோக்கி செல்லும்போது தமிழககடலோரப் பகுதிகள் கொந்தளிப்பாகவும், அதன் அலைகள் அதிகஉயரத்தில் எழும்ப வாய்ப்பிருப்பதாகவும், இந்திய வானிலைஆய்வு மையம் மற்றும் இன்காய்ஸ் நிறுவன கூட்டறிக்கையில் தெரிவிக்கப்பட்டுள்ளது. அதில் கூறியிருப்பதாவது: ஆழ்ந்த காற்றழுத்த தாழ்வு மண்டலத்தின் தாக்கத்தால் சென்னை, காஞ்சிபுரம், திருவள்ளூர், புதுச்சேரி, கடலூர், விழுப்புரம், காரைக்கால், திருவாரூர், தஞ்சாவூர், புதுக்கோட்டை ஆகிய மாவட்டங்களில் 4.6 மீட்டர் முதல் 10.9 மீட்டர் உயரம் வரை கடல் அலைகள் எழும்பக்கூடும். அதிகபட்சமாக சென்னை கடலோரப் பகுதியில் 10.9 மீட்டர், காஞ்சிபுரம், திருவள்ளூர் மாவட்ட கடலோரப் பகுதிகளில் 10.5 மீட்டர் உயரம் வரையிலும் கடல் அலைகள் எழும்ப வாய்ப்புள்ளது. இவ்வாறு கூட்டறிக்கை யில் கூறப்பட்டுள்ளது.
Source தி இந்து


வங்கக்கடலில் உருவாகியிருந்த ஆழ்ந்த காற்றழத்த தாழ்வு பகுதி புயலாக மாறியது



வங்கக் கடலில் பெய்ட்டி புயல்

வங்கக்கடலில் உருவாகியிருந்த ஆழ்ந்த காற்றழத்த தாழ்வு பகுதி  புயலாக மாறியது

நாளை மறுநாள் ஆந்திராவின் மசூலிப்பட்டினம்- காக்கிநாடா  இடையே கரையை கடக்கும்- வானிலை மையம்

இதனால் நாளை முதல் வட கடலோர மாவட்டங்களில் கனமழை பெய்யும் எனவும் வானிலை மையம் அறிவிப்பு


வங்கக்கடலில் நிலை கொண்டுள்ள புயல் சின்னம் திசை மாறுகிறது: வானிலை ஆய்வு மையம்



வங்கக்கடலில் நிலை கொண்டுள்ள புயல் சின்னம் திசை மாறுகிறது என வானிலை ஆய்வு மையம் தெரிவித்துள்ளது.

தீவிர புயலாக வலுப்பெற்று ஆந்திர கடலோர பகுதியை அடையும் என வானிலை மையம் தெரிவித்துள்ளது. முன்னதாக வடதமிழகம்-தெற்கு ஆந்திரா நோக்கி நகரும் என அறிவிக்கப்பட்டிருந்தது குறிப்பிடத்தக்கது.