-->

Now Online

வானிலை மையம் கொடுக்கும் ரெட் அலர்ட்... எதற்காக கொடுக்கப்படுகிறது?

🌧️⛈️ சமீபகாலமாக கனமழை, மிதமான மழை பெய்து கொண்டு வருகிறது. வானிலை குறித்த எச்சரிக்கையை குறிக்கும் விதமாக மஞ்சள் அலர்ட், ஆரஞ்ச் அலர்ட் மற்றும் ரெட் அலர்ட்டை கேட்டு கொண்டு வருகிறோம்.

எதற்காக அலர்ட் விடுக்கப்படுகிறது?

💧பொதுவாக எச்சரிக்கை உணர்வை தூண்டுவதற்காக அலர்ட் என்னும் சொல் பயன்படுத்தப்படுகிறது. அந்த வகையில் வானிலை குறித்த எச்சரிக்கை உணர்வை மக்களிடம் தூண்டுவதற்கு இந்த அலர்ட் முறை பயன்படுகிறது.

🔴ரெட் அலர்ட் :

💧 ரெட் அலர்ட், மிக மிக மோசமான வானிலை இருக்கும்பட்சத்தில் மட்டுமே அறிவிக்கப்படும். ரெட் அலர்ட் அறிவிக்கும்போது மக்கள் எச்சரிக்கையுடன் இருக்க வேண்டும்.

💧 மக்கள் தங்களுடைய உடைமைகளை பார்த்துக்கொள்ள தேவையான முன்னெச்சரிக்கை நடவடிக்கைகளை எடுத்துக்கொள்ள வேண்டும்.

💧 ஆபத்தான பகுதிகளில் உள்ளவர்கள் பாதுகாப்பான இடத்துக்கு செல்ல அறிவுறுத்த வேண்டும்.

💧 போக்குவரத்து பாதிப்பு, மின்சார இணைப்பு துண்டிப்பு உள்ளிட்ட பிரச்சனைகள் ஏற்படலாம்.

💧கூடுதல் முன்னெச்சரிக்கை நடவடிக்கைகளுடன் செயல்பட வேண்டும் என்பதற்காக ரெட் அலர்ட் விடுக்கப்படுகிறது.

*🟡மஞ்சள் அலர்ட்*

💧வானிலை மிகவும் மோசமாக இருப்பதை தெரிவிக்க மஞ்சள் அலர்ட் விடுக்கப்படுகிறது.

💧 மக்கள் தங்களுக்கு தேவையான அனைத்து அடிப்படை வசதிகளையும் தயார் நிலையில் வைத்து கொள்வது நல்லது.

💧 பாதுகாப்பு நடவடிக்கைகளை மேற்கொள்ள வேண்டும்.

🟢பச்சை அலர்ட் :

💧 பொதுவாக மழை பெய்யும் அறிகுறி வானில் தென்பட்டால் பச்சை அலர்ட் விடப்படும்.

💧 மக்கள் யாரும் பயப்பட வேண்டிய தேவையில்லை என்பதால், மழை பொழிவதற்கான அறிகுறி தென்பட்டால் மட்டுமே பச்சை அலர்ட் விடுக்கப்படுகிறது.

💧 எந்த நடவடிக்கையும் எடுக்க தேவையில்லை.

🍊ஆரஞ்சு அலர்ட் :

💧 ஆரஞ்சு அலர்ட் என்பது கனமழைக்கு வாய்ப்பு உள்ளது என்பதற்கான அறிகுறியாகும்.

💧குறிப்பாக மாவட்ட நிர்வாகங்கள் நடவடிக்கைக்கு ஆயத்தமாக இருக்க வேண்டும் என்ற எச்சரிக்கை தரும்.

💧 இதுபோன்ற நேரங்களில் மக்கள் பயணங்களை தவிர்ப்பது நல்லது.


Wifi, 3D, Simcard, .. மேலும் பல இதற்கெல்லாம் தமிழ் அர்த்தம் என்ன தெரியுமா?


1. QR CODE = விரைவுக்குறி
2. 3D = முத்திரட்சி
3. BLUETOOTH = ஊடலை
4. BROADBAND = ஆலலை
5. CCTV = மறைகாணி
6. CHARGER = மின்னூக்கி
7. CYBER = மின்வெளி
8. DIGITAL = எண்மின்
9. GPS = தடங்காட்டி
10. HARD DISK = வன்தட்டு
11. HOTSPOT = பகிரலை
12. INKJET = மைவீச்சு
13. INSTAGRAM = படவரி
14. LASER = சீரொளி
15. LED = ஒளிர்விமுனை
16. MEME = போன்மி
17. MESSANGER = பற்றியம்
18. OCR = எழுத்துணரி
19. OFFLINE = முடக்கலை
20. ONLINE = இயங்கலை
21. PRINT SCREEN = திரைப் பிடிப்பு
22. PRINTER = அச்சுப்பொறி
23. PROJECTOR = ஒளிவீச்சி
24. ROUTER = திசைவி
25. SCANNER = வருடி
26. SELFIE = சுயமி
27. SIMCARD = செறிவட்டை
28. SKYPE = காயலை
29. SMART PHONE = திறன்பேசி
30. TELEGRAM = தொலைவரி
31. THUMBDRIVE = விரலி
32. THUMBNAIL = சிறுபடம்
33. TWTTER = கீச்சகம்
34. WECHAT = அளாவி
35. WHATSAPP = புலனம்
36. WIFI = அருகலை
37. YOUTUBE = வலையொளி
38. GALLERY = களரி
39. GADGET = பொறிகை
40. GAME = ஆட்டம்

ஜனவரியில் பள்ளிகளை கண்டிப்பாக திறக்க வேண்டும்- மத்திய அரசு உத்தரவு

மத்திய அரசின் பள்ளித் தேர்வு சான்றிதழ் கவுன்சில் மூலமாக 10-ம் வகுப்பு, பிளஸ்-2 தேர்வுகள் நடத்தப்பட்டு சான்றிதழ் வழங்கப்படுகிறது.

இந்த அமைப்பின்கீழ் நாடு முழுவதும் ஏராளமான பள்ளிகள் செயல்பட்டு வருகின்றன. இந்த பள்ளிகள் அனைத்திலும் 10-ம் வகுப்பு, பிளஸ்-2 வகுப்புகளை நடத்தும் வகையில் ஜனவரி 4-ந் தேதிக்குள் பள்ளிகளை கண்டிப்பாக திறக்க வேண்டும் என்று இந்திய பள்ளி தேர்வு சான்றிதழ் கவுன்சில் உத்தரவிட்டுள்ளது.

இது சம்பந்தமாக இந்த அமைப்பின் இயக்குநர் ஆராதோன், அனைத்து மாநில முதல் -மந்திரிகளுக்கும் கடிதம் எழுதியுள்ளார்.

எங்கள் அமைப்பின் கீழ் செயல்படும் பள்ளிகள் அனைத்திலும் 10-வது, பிளஸ்-2 வகுப்புகள் ஜனவரி 4-ந் தேதிக்குள் திறக்க வேண்டும். தற்போது ஆன்லைன் மூலமாக பாடங்கள் நடத்தப்பட்டு வருகிறது.

மாணவர்கள் உரிய விளக்கங்களை பெறுவதற்கும், புராஜெக்ட், பிராக்டிகல் செய்வதற்கும் பள்ளிகளை திறந்தால்தான் முடியும். எனவே குறிப்பிட்ட காலத்திற்குள் பள்ளிகளை திறக்க வேண்டும். அதேநேரத்தில் கொரோனா தடுப்பு நடவடிக்கைகளையும் பின்பற்ற வேண்டும்.

ஆசிரியர்களிடம் மாணவர்கள் நேரடியாக கேள்வி கேட்டு விளக்கங்களை பெற்றால் தான் அவர்கள் தேர்வுக்கு தயாராக முடியும்.

இவ்வாறு கடிதத்தில் அவர் கூறியுள்ளார்.

அத்துடன் ஏப்ரல், மே மாதத்தில் தேர்வுகளை நடத்தும் வகையில் ஏற்பாடுகள் செய்யப்பட்டு வருவதாகவும் கூறப்பட்டுள்ளது. அந்த மாதங்களில் பொதுத் தேர்தல் ஏதேனும் குறுக்கிடுகிறதா என்பதை அறிவதற்காக தேர்தல் கமி‌ஷனிடமும் தகவல் கேட்கப்பட்டு இருக்கிறது.


தினம் ஒரு குட்டிக்கதை. - பால.ரமேஷ்


ஒரு முறை மகாகவி காளிதாசர்...

வயல்வெளியே வெயிலில் நடந்து சென்ற போது, தாகம் எடுத்தது...
சற்று தூரத்தில் ஒரு கிராமப்பெண் கிணற்றில் தண்ணீர் சேந்தி குடத்தில் எடுத்து வந்துக்கொண்டிருந்தாள்...

காளிதாசர் அவரைப் பார்த்து
அம்மா தாகமாகஇருக்கு கொஞ்சம் தண்ணீர் தருவீர்களா?
என்று கேட்டார்...

அந்த கிராமத்துப்பெண்ணும், தருகிறேன்,,
உ௩்களை அறிமுகம் செய்து கொள்ளு௩்கள் என்றாள்..

உடனே காளிதாசருக்கு ஒரு உயர்வு மனப்பான்மை ஏற்பட்டு,
இந்த பெண்ணிடம்
நாம் யார் என்று சொல்ல வேண்டுமா என நினைத்து ..
நான் ஒரு பயணியம்மா என்றார்...

உடன் அந்த பெண்,
உலகில் இரண்டே இரண்டு,,
பயணிகள் தான்! ஒருவர் *சந்திரன்* ! ஒருவர் *சூரியன்* !
இவர்கள் தான் இரவு பகலென பயணிப்பவர்கள்..
என்றாள்...

சரி என்னை விருந்தினர்
என்று வைத்துக்கொள் என்றார் காளிதாசர்...

உடனே அந்த பெண்,
உலகில் இரண்டு
பேர்தான் விருந்தினர் .. ஒன்று *செல்வம்* , இரண்டு *இளமை* !
இவை இரண்டும் தான் விருந்தினராக வந்து உடனே போய் விடும் என்றாள்...

சற்று எரிச்சலான காளிதாசர்,,
தான் ஒரு பொறுமைசாலி என்றார்...

உடனே அந்த பெண் அதுவும் இரண்டு பேர்தான்!
ஒன்று *பூமி* ! எவ்வளவு மிதித்தாலும், எவர் மிதித்தாலும் தா௩்கும்!
மற்றொன்று *மரம்* ! யார் கல்லால் அடித்தாலும் பொறுத்துக்கொண்டு காய்களைக் கொடுக்கும் என்றாள்...

சற்று கோபமடைந்த காளிதாசர்,
நான் *ஒரு பிடிவாதக்காரன்* என்றார்...

அதற்கும் அந்த பெண்,,
உலகிலேயே பிடிவாதக்காரர்கள் இரண்டு பேர் தான்! ஒன்று *முடி* ! மற்றொன்று *நகம்* !
இரண்டும் எத்தனை முறை
வேண்டாம் என்று வெட்டினாலும்,,
பிடிவாதமாக வளரும் என்றாள் சிரித்தபடி...

தாகம் அதிகரிக்கவே
*நான் ஒரு முட்டாள்* என்று தன்னை கூறிக்கொண்டார்...

உடனே அந்த பெண்,
உலகிலேயே இரண்டு முட்டாள்கள் தான்! ஒருவன் நாட்டை *ஆளத்தெரியாத அரசன்*
மற்றவன் அவனுக்கு *துதிபாடும்* *அமைச்சன்* ! என்றாள்...

காளிதாசர்  செய்வதறியாது,
அந்த பெண்ணின் காலில் விழுந்தார்...

உடனே அந்த பெண்,, மகனே, எழுந்திரு என்றதும் நிமிர்ந்து பார்த்த காளிதாசர் மலைத்துப்போனார்..
சாட்சாத் *சரஸ்வதி* தேவியே
அவர் முன் நின்றாள்...

காளிதாசர் கைகூப்பி வண௩்கியதும்,
தேவி, தாசரைப்பார்த்து காளிதாசா..
*எவன் ஒருவன் தன்னை மனிதன்* என்று *உணர்கின்றானோ*, அவனே *மனிதப்பிறவியின் உச்சத்தை அடைகிறான்*..
*நீ மனிதனாகவே இரு* என்று
தண்ணீர் குடத்தை காளிதாசர் கையில் கொடுத்து சரஸ்வதி தேவி மறைந்தாள்!
          
இதுபோலத்தான் *குழந்தைகள் எதிர் காலத்தில் பணம் சம்பாதிக்கவும்*,
*வசதியாக வாழவும் பெற்றோர்கள்* *கற்றுக்கொடுக்கிறார்களே தவிர*,

*மனிதனாக, தாய், தந்தை, மனைவி, மக்கள், உற்றார் உறவினருக்கு*,
*நம் தாய் நாட்டிற்கு*,
*நமக்கு உணவு தரும் பூமிக்கு*,,
*நாம் என்ன செய்ய வேண்டும்*
என்பதை *கற்றுத்தரவேண்டும்*..

*பெற்றோரை தாய்நாட்டை* ,
*உறவுகளை பிரிந்து*,
*ஏசி அறையே உலகம்*,
*தொலைபேசியே உறவு,*
*பணம் சம்பாதிப்பதே வாழ்க்கையென*,
*வாழ்க்கையை இயந்திரமயமாக்கி*,
*மனித நேயமில்லா வாழ்க்கை*
*வாழக்கூடாது*...

*நீ நீயாகவே மனிதனாகவே இரு ..  மனிதநேயம்  மலர மகிழ்வித்து  மகிழ்ந்திரு.....*
*நலம் உண்டாகட்டும்*
*வாழ்க வளமுடன்*..


விவசாய பயிர்க் காப்பீடு: அறிந்துகொள்ள வேண்டிய 10 விஷயங்கள்!

நிவர் புயலின் போதும், புயலுக்கு பின்பும் அதிகமாக விவாதிக்கக்கூடிய விஷயங்களில் ஒன்றாக உள்ளது பயிர்க்காப்பீடு.

வேளாண் அலுவலகங்களில் காப்பீடு செய்ய விரைவதற்கு முன்பு வேளாண் காப்பீடு குறித்து அடிப்படைத் தகவல்களைத் தெரிந்துகொள்வது அவசியம்.

விவசாயிகள் வியர்வை சிந்தி உழைத்து இறுதியில் இயற்கை இடர்பாடுகளால் பயிர்கள் சேதமடைவது தொடர்கதையாக உள்ளது. பயிர் சேதமடைவதால் ஏற்படும் இழப்பை சரிக்கட்டும் வகையில் பயிர்க் காப்பீடு செய்ய மத்திய அரசும், மாநில அரசும் வலியுறுத்தி வருகின்றன.

ஏற்கெனவே இருந்த திட்டத்தை தற்போது ''புதுப்பிக்கப்பட்ட பிரதம மந்திரி பயிர்க் காப்பீட்டுத் திட்டமாக மாற்றியுள்ளது மத்திய அரசு. இத்திட்டத்தில் இணைவது விவசாயிகளுக்குக் கூடுதல் சுமையா அல்லது பாதுகாக்கக்கூடிய முக்கிய அம்சமா என்பது குறித்து .முக்கிய பத்து விஷயங்கள் உங்களுக்காக.

1. விவசாயிகள் தங்களுடைய விதை செலவுடன் பயிர்க் காப்பீடும் முதல் செலவாக இருக்க வேண்டும் என்றாலும் காப்பீடு பெறுவதற்கு விவசாயி எந்த வங்கியிலும் கடன் பெற்றிருக்கக்கூடாது என்று நிபந்தனை உண்டு. கடன் பெற்றிருந்தால் சம்பந்தப்பட்ட வங்கியிலேயே பயிருக்கான காப்பீட்டுத் தொகையைச் செலுத்த வேண்டும்.

2. காப்பீடு பெற விண்ணப்பிக்கும் விவசாயிகளின் ஆதார் எண் வங்கிக் கணக்குடன் இணைக்கப்பட்டிருக்க வேண்டும். மின்னணு பரிமாற்றத்துக்கு உகந்த வகையில் வங்கிக் கணக்கு இருப்பது அவசியம்.

3. காப்பீட்டில் இணைய முன்மொழிவு படிவம், வங்கிக் கணக்கு எண் மற்றும் IFSC தகவல்களுடன் கூடிய வங்கி பாஸ்புக்கின் முதல் பக்கத்தின் நகல், ஆதார் அட்டை நகல், சிட்டா, அடங்கல் போன்றவற்றையும் இணைக்க வேண்டும். காப்பீட்டுத் திட்டத்தில் சேர, வேளாண் துறை அலுவலகம், பொதுச் சேவை மையம், தொடக்க வேளாண்மை கூட்டுறவு வங்கி, மத்திய கூட்டுறவு வங்கி, கிராம வங்கி, தேசியமயமாக்கப்பட்ட வங்கிகளின் வழியே காப்பீட்டுத் திட்டத்தில் இணையலாம்.

4. விதைப்பதற்கு முன் தங்களது பயிர்களுக்குக் காப்பீடு செய்ய நினைத்தால் கிராம நிர்வாக அலுவலரிடம் விதைப்பு சான்றிதழைப் பெற்றுத்தர வேண்டும். அதுவும் காப்பீட்டுத் திட்டத்தை உள்ளடங்கியதாக இருக்க வேண்டும். விதைத்த ஒரு மாதத்தில் அடங்கலை வாங்கி சமர்ப்பிக்க வேண்டும்.

5. சில பயிர்களுக்குத் தேர்ந்தெடுக்கப்பட்ட மாவட்டங்களில், குறிப்பிட்ட குறு வருவாய் வட்டங்களில் மட்டுமே செயல்படுத்தப்படுகிறது. ஆகையால், உங்கள் பகுதியில் எத்தகைய பயிர்க் காப்பீட்டுத் திட்டத்தைச் செயல்படுத்துகிறார்கள் என்ற விவரத்தை அறிந்த பின்பே காப்பீடு செய்ய வேண்டியது அவசியம். பயிர்க் காப்பீடு திட்டம் செயல்படுத்தா பகுதியில் உள்ள விவசாயிகள் பயிர்க் காப்பீடு செய்திருந்தாலும் பயிர்க் காப்பீட்டுக்கான இழப்பீட்டையும், நிவாரண தொகையை கோர முடியாது.

6. உங்கள் பகுதியில் செயல்படுத்தப்படும் பயிர்க் காப்பீட்டுத் திட்டம் குறித்த விவரங்களை அருகில் உள்ள வேளாண் துறை அலுவலகத்தில் கேட்டு தெரிந்துக்கொள்ளலாம். காப்பீட்டுக்கான தொகையை மத்திய அரசு வரையறுத்துள்ளது. நெல் பயிருக்கு ஏக்கருக்கு 32,950 ரூபாய் காப்பீட்டுத் தொகை. இதற்கான பிரீமியமாக, 494 ரூபாய் செலுத்த வேண்டி இருக்கும். இதைப்போலவே, மற்ற பயிர்களுக்கும் காப்பீட்டுத் தொகையையும், பிரீமியமும் நிர்ணயிக்கப்பட்டுள்ளது. உணவு தானியப் பயிர் மற்றும் எண்ணெய் வித்து பயிர்களுக்குக் காப்பீட்டுத் தொகையிலிருந்து 1.5 சதவிகிதம் பிரிமீயம் தொகையாகவும், தோட்டக்கலைப் பயிர் மற்றும் பணப்பயிர்களுக்குக் காப்பீட்டுத் தொகையிலிருந்து 5 சதவிகிதம் பிரிமீயம் தொகையாகச் செலுத்த வேண்டும்.

7. பயிர்க் காப்பீடு செய்வது முக்கியமல்ல, பயிர்க் காப்பீடு செய்தவுடன் பயிர் செய்ததற்காகக் கிராம நிர்வாக அலுவலர் வழங்கும் அடங்கலிலும், கிராம நிர்வாக அலுவலக பதிவேட்டிலும் பதிவு செய்திருக்க வேண்டியது அவசியம். பயிர்க் காப்பீடு செய்து கிராம நிர்வாக அலுவலரிடம் குறிப்பிட்ட பயிருக்கான அடங்கல் பெறாமலும், பதிவேட்டில் பதிவும் செய்யாமல் இருந்தால் காப்பீட்டுத் தொகையும், நிவாரணமும் பெற முடியாது என்பதையும் நினைவில் கொள்ள வேண்டும்.

8. பயிர்கள் பாதிப்படைந்திருக்கிறது என்பதை வேளாண் அலுவலர்கள் சம்பந்தப்பட்ட ஊரில் விசாரித்து அவர்கள் சம்பந்தப்பட்ட துறையின் உயர் அலுவலர்களுக்குத் தகவல் அனுப்புவார்கள். அதன் அடிப்படையிலேயே பயிர்க் காப்பீட்டுத் தொகையும், நிவாரணமும் கிடைக்கும். குறிப்பிட்ட ஊரில் ஒரு விவசாயி பாதிக்கப்பட்டார் என்பதற்காகக் காப்பீடு வழங்குவது கிடையாது.மேலும், எவ்வளவு பரப்பளவு காப்பீடு வழங்குவது என்பது குறித்தும் முன்பே முடிவு செய்யப்படுகிறது. ஒரு குறிப்பிட்ட ஒன்றியத்தில் 500 ஹெக்டேர் என்று வரையறுத்திருந்தால் அந்த பரப்பளவுக்கு மட்டுமே காப்பீடு கிடைக்கும்.

9. எந்த வகையில் பாதிப்பு என்பதையும் முன்னரே வரையறுத்து இருக்கிறார்கள். பயிர் காலத்தில், வறட்சி, வெள்ளம், புயல், சூறாவளிக் காற்று, அதிக பரப்பளவில் பூச்சி நோய் தாக்குதல், நிலச்சரிவு போன்ற இயற்கை இடர்பாடுகளால் ஏற்படும் மகசூல் இழப்பிற்கு ஏற்றவாறு பயிர்க் காப்பீட்டுத் தொகை வழங்கப்படும்.

10. தற்போது சம்பா பருவத்தில் நெல், பருத்தி, மக்காச்சோளம் பயிரிட்டவர்கள் மட்டுமல்லாது, தக்காளி, வாழை, தென்னை போன்ற தோட்டக்கலை பயிர் செய்தவர்களுக்கும் காப்பீடு செய்யப்படுகிறது. வேளாண் காப்பீட்டுக்கான விதிமுறைகள் மற்றும் நிபந்தனைகள், கூடுதல் விவரங்கள் போன்றவற்றையும் முன்னரே படித்துத் தெரிந்துகொண்டு காப்பீடு செய்வது நல்லது.


மக்களை குறிவைக்கும் போலி தடுப்பூசி மாபியாக்கள்-உலக நாடுகள் எச்சரிக்கையுடன் இருக்க இன்டர்போல் நோட்டீஸ்

போலியான கொரோனா தடுப்பூசிகளை விற்கும் முயற்சியில் கிரிமினல் மாபியாக்கள் ஈடுபட வாய்ப்புள்ளதால் எச்சரிக்கையுடன் இருக்குமாறு உலக நாடுகளுக்கு இன்டர்போல் நோட்டீஸ் அனுப்பி உள்ளது.


பிரிட்டனில் பைசரின் கொரோனா தடுப்பூசிக்கு அனுமதி வழங்கியுள்ள நிலையில் இந்த எச்சரிக்கையை விடுத்துள்ள இன்டர்போல், நேரடியாகவோ, இணையதளம் வாயிலாகவோ, போலியான தடுப்பூசிகளை மாபியா கும்பல்கள் விற்கலாம் என கூறியுள்ளது.


கலப்படமில்லாத தேன்: ஜெர்மன் ஆய்வக சோதனையில் ஒரேஒரு இந்திய நிறுவனம் மட்டுமே தேர்ச்சி.

நம் மண்ணின் பாரம்பர்ய உணவுப் பொருள்களின் தேன் முக்கியமானது. இதை மருத்துவ ரீதியாகவும் உடலுக்கு சிற்ந்த பலனை தருகிறது.

`தேன்… உணவாகவும் மருந்தாகவும் பயன்படக்கூடிய பொக்கிஷம். இதைச் சாப்பிட்ட நான்கு மணி நேரத்தில் முழுமையாக செரிமானமாகிவிடுவதால் உடலில் சேர்ந்து பலத்தைக் கொடுக்கும் என்று சித்த மருத்துவ நூல்களில் சொல்லப்பட்டுள்ளது. சித்த மருத்துவத்தில் தேன் ஒரு மிகச் சிறந்த துணை மருந்தாகப் பயன்படுத்தப்படுகிறது.


க லப்படமில்லாத சுத்தமான தேன் குறித்த ஆய்வக சோதனையில், இந்தியாவில் ஒரே ஒரு தேன் மட்டுமே தேர்ச்சி பெற்றுள்ளது. பிரபலமான பதஞ்சலி, டாபர் உள்பட பல நிறுவனங்கள் தோல்வியை சந்தித்துள்ளன.


இதனால் மக்களிடையே சுத்தமான தேனுக்கு தனி மவுசு உள்ளது. இதை பல நிறுவனங்கள் தங்களுக்கு சாதகமாக்கி, தங்களுடையதுதான் உண்மையான தேன் என்று கூறி ஏமாற்றி வருகிறது.





இந்த நிலையில், சுத்தமான, கலப்படமில்லாத தேன் குறித்து, சென்டர் ஃபார் சயின்ஸ் அண்ட் சுற்றுச்சூழல் (சி.எஸ்.இ) தேனை கலப்படம் செய்வது குறித்து விசாரணை நடத்தி ஆய்வக சோதனைக்கு அனுப்பியது. ஜெர்மன் ஆய்வக சோதனைகளில் இந்தியாவில் உள்ள பிரபல நிறுவனங்களின் 13 தேன் மாதிரிகள் எடுக்கப்பட்டன. அதில் ஒரேஒரு நிறுவனம் மட்டுமே தேர்ச்சிபெற்றுள்ளது. மற்ற அனைத்து நிறுவன தேன்களும் கலப்படமானது என்று உறுதி செய்துள்ளது.





இந்த ஆய்வுக்கு, டாபர் ஹனி (Dabur Honey), பதஞ்சலி தேன் ( Patanjali Honey), பைத்யநாத் தேன் ( Baidyanath Honey), ஜன்டு சுத்தத்தேன் ( Zandu Pure Honey), அபிஸ் ஹிமாலயன் (Apis Himalayan), ஹிட்கரி தேன் (Hitkari) உள்பட 13 நிறுவன தேன்கள் பயன்படுத்தப்பட்டது.





இதில்அபிஸ் ஹிமாலயன் (Apis Himalaya had passed lab tests in India) தேன் மட்டுமே தேர்ச்சி பெற்றுள்ளது.



புவியீர்ப்பு சக்தி இல்லாமல் முள்ளங்கியை வெற்றிகரமாக வளர்த்த நாசா



மைக்ரோகிராவிட்டி எனப்படும் புவியீர்ப்பு சக்தி இல்லாத சர்வதேச விண்வெளி ஆராய்ச்சி நிலையத்தில், முள்ளங்கியை நாசா வெற்றிகரமாக வளர்த்துள்ளது. சந்திரன் மற்றும் செவ்வாய்க்கு மனிதர்களை அனுப்பும் திட்டம் உள்ளதால், எதிர்கால விண்வெளி வீரர்களுக்கு பிரெஷ்ஷான உணவை அளிக்கும் திட்டத்துடன், இந்த முயற்சி மேற்கொள்ளப்பட்டது.

❖ செடிகள் வேர் விடுவதற்கு அத்தியாவசியமான புவியீர்ப்பு சக்தி இல்லாததால், தலையணை போன்ற வடிவமைப்பு ஒன்றில், உரம் மற்றும் நீர் கிடைக்கும் வகையில் இந்த செடிகள் வளர்க்கப்பட்டன.

ஊரடங்கு நீட்டிப்பு - டிச.,31 வரை 144 தடை - மக்களுக்கு அதிரடி உத்தரவு

தமிழகத்தில் டிசம்பர் 31 வரை ஊரடங்கு நீட்டிக்கப்பட்ட நிலையில், சென்னையில் டிச.,31 வரை 144 தடையை நீட்டித்து பெருநகர காவல் ஆணையர் மகேஷ்குமார் அகர்வால் உத்தரவிட்டுள்ளார்.

அதன்படி, பொது இடங்களில் 5-க்கும் மேற்பட்ட நபர்கள் கூட டிச.,31 நள்ளிரவு 12 மணி வரை தடை விதிக்கப்படுகிறது.

மேலும், சென்னையில் போராட்டம், பேரணி, உண்ணாவிரதம் நடத்த டிச.,15 வரை தடை விதிக்கப்பட்டுள்ளது.


கிறிஸ்துமஸ், புத்தாண்டிற்கு பட்டாசு வெடிக்க தேசிய பசுமை தீர்ப்பாயம் அனுமதி

கடந்தமாதம் முடிந்த தீபாவளி பண்டிகையின் போது நாடுமுழுவதும் பட்டாசு வெடிக்க கடுமையான கட்டுப்பாடுகளை தேசிய பசுமை தீர்ப்பாயம் விதித்திருந்தது. அத்துடன் விதிமீறலில் ஈடுபடுவோருக்கு மாநில அரசு சார்பில் அபராதமும் விதிக்கப்பட்டது.

இந்நிலையில் வரவிருக்கும் கிறிஸ்துமஸ் மற்றும் புத்தாண்டு பண்டிகை கொண்டாட்டங்களின் போது பட்டாசு வெடிக்க தேசிய பசுமை தீர்ப்பாயம் அனுமதி வழங்கியுள்ளது.

அதுதொடர்பாக வெளியாகியுள்ள அறிவிப்பின்படி கிறிஸ்துமஸ் மற்றும் புத்தாண்டு பண்டிகை கொண்டாட்டங்களின் போது நள்ளிரவு 11.55 மணி முதல் 12.30 மணி வரை பட்டாசு வெடிக்கலாம் என்று தெரிவிக்கப்பட்டுள்ளது.